Tilfeldig at det vart Stavanger og Tannhelse Rogaland. Hadde inga tilknytning og kjende ikkje ein einaste person her.
Gav meg sjølv 2 år (tenkte at eitt år var for lite). No er det blitt 22 år…
22 år på same tannklinikken og på same kontoret😊
Kvifor blitt verande? Godt arbeidsmiljø, stor variasjon i pasientsamansetnaden. Får framleis stadig utfordre meg sjølv- men er klar over at dette også er opp til den enkelte behandlar «kor langt ein vil strekke strikken». Ein må tørre å prøve seg, skal ein få ein variert kvardag. Er opptatt av å heile tida lære nytt/bli betre. Opptatt av framdrift.
Trivast å vere «mentor» for yngre kollegaer og er i tilllegg engasjert i tillitsmannsarbeidet og trivst med å vere med å bidra på andre arenaer i organisasjonen enn berre på eigen klinikk.
Dersom ein ønskjer ein variert kvardag, med ei mengd med ulike herlege pasientar frå 0-100 år, så meiner eg at THR er plassen. MEN det er opp til deg sjølv korleis du skapar di eiga karriere. Om du trivst berre med å leggje fyllingar, så gjer det. Men om du vil utvikle deg i andre retningar og bli ein god almenpratikar, så der det rikeleg med moglegheiter å gje seg i kast med både endo, protetikk og kirurgi i THR😊 Og godt arbeidsmiljø, krev at ein sjølv også bidreg. Det kjem ikkje av seg sjølv😉
